Uhuru Kuwa Kidete.

image

Uhuru kaa kidete!

Sifichi Nuhu sifichi, bora niseme ukweli,
Mbivu imekuwa mbichi, na haramu ni halali,
Kenya sasa iko uchi, wezi wametufidhuli, 
Uhuru kaa kidete, nchi inaporomoka;

Wizi umekuwa mila, bunge letu limeoza,
Viongozi wenye hila, wote tutawachunguza,
Kisha wapelekwe jela, waache kutuchagaza,
Uhuru kaa kidete, nchi inaporomoka;

Mafisadi wamejaa, katika mabunge yetu,
Kimeshazidi kinyaa, tuwakanyeni wenzetu,
Ni bora kuwakataa, walaji wa pesa zetu,
Uhuru kaa kidete, nchi inaporomoka;

Nakushauri Uhuru, ni bora ukae ange,
Hebu piga haidhuru, wafukuze viberenge,
Maji mekuwa gururu, washike mamburukenge,
Uhuru kaa kidete, nchi inaporomoka;

Umejaa ukabila, katika kila ofisi,
Watu mekuwa juhula, Kenya nchi ya nuhusi,
Kila siku wanakula, tena bila wasiwasi,
Uhuru kaa kidete, nchi inaporomoka;

Wameanza kutajana, katika zao sakata,
Sio juzi sio jana, ndoa imeshatokota,
Mtawajua bayana, kwa kiburi na kunyeta,
Uhuru kaa kidete, nchi inaporomoka;

Nimefika kaditama, mwisho wa shairi langu,
Ninakuomba Karima, iokoe nchi yangu,
Wape waizi huruma, waache ubangubangu,
Uhuru kaa kidete, nchi inaporomoka;

©Utunzi wa:
Nuhu Zubeir Bakari
“Al-Ustadh Pasua”

@Nariari Auliver™
©2016

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

Create a website or blog at WordPress.com

Up ↑

%d bloggers like this: